Laməkan - Resist

Mən yalanı sevməyən yalançı

Ya da notları bilməz pianoçu

Siz «Yaradan var» deyib gələcəyə baxdıran

Mən sizi aldadan bir falçı

Özü düşən özünə heç ağlamaz

Məni məndən başqası anlamaz ki

Anladım tək dost qələmimdir

Məni kimilər kimsəsiz olmaz

Tikə - tikə tikilən diləklərin

Bir tək səhv diləklə sökülür bax

Bir tərəfdə cənnətə çağırış

Bir tərəfdən, aman Allah!

Mən zinaçı, mən günahkar

Mən nəfsinə uymuş, meyvəni dadmış, sürgünə məruz səbəbkar

Mən laməkan

Mən dərvişi insan kövnü məkanu kün fəkan

Mən dilində «Allah» özünü partladan müsəlman

Mən üsyanı etmiş ta şeytan ki

Mən tək bir fərari ordudan

Mən ağlayan və mən ağladan

Mən axiri zamanda əfvini diləmiş Tanrıdan

Tanrı dan yerin sökmədən əlbət xəlvət yazılar əməllər

Kitabın sol əldə, yoxsa ki sağda

Bunlar asılıdır əməldən

Nifrətə sevgim, yalançı vergim xislətimdə var təməldən

Mən şeytana uymuş bir insan?!

Allah, hifz elə o gündən