Khuttar -

خطار عنا الفرح اعلق صواني شموع

خاف يمر بالعقد رش العقد بدموع

يا قليبي وين الحزن؟

حدر الحدر مرفوع

دومك تون ونتك تبكي بدمع مفجوع

طيفك أمل كذاب فوق السما مرفوع

بالك تصيح بحزن صوت الحزن مسموع

شكبان ليلك غضب بالك تفز بالليل

دافن بصيص الأمل مسهر نجوم سهيل

و الريل فات و جزا ما لك شغل بالريل

حط لنا موقد جمر زود سعير الويل

ذوب شموع الوصل فرهد حبابي الهيل

بس لا يبوق العمر طيف العمر ملسوع

لملم سنين العمر عثرها ليل الظيم

فارشها فوق الهضب طرزها لون الغيم

مشتال عمرك ذبل ما حن نثيث الديم

و القيظ أجاك بثقل بعدك تظل امجيم

خيال حلمك مرق اش تقول له عيب انهيم؟

يبست نهار الأمل و انتظر روحي تموت

بدموعي طيفك غرق نمسح دموع الطيف

اش أمسح جزاني الوقت؟

راح الحلم يا حيف

قمرية و ما مش بعد و ليش احنا مش بصيف؟

ظلمة و دواشق حزن لا تظن روحي بكيف

غرب شراع الفرح أهلا أجانا الضيف

حسبا لي يسوى العتب تاري العتب مرفوع